各位網友:
我Miss Mo今次有下述好介紹
隔籬房同事雲信仔竟然約我去睇Concert,我話我唔係咁隨便同人睇,既要睇日期、睇嘉賓、睇為乜,仲要睇邊個請,我先會應承佢去唔去。佢推介我話12月18日,香港文化中心有個名為《民歌•金曲•聖誕傳愛心》慈善音樂會,當晚會有好多民歌同金曲,首首耳熟能詳,好似「昨日的渡輪上」、「問我」、「天若有情」、「明星」、「今宵多珍重」、「滾滾紅塵」、「月亮代表我的心」、「九百九十九朵玫瑰」、「When a child was born」,數都數唔哂。
都算個演唱會幾另類,聽得多時下流行曲,偶爾聽下民歌,relax下,又幾爽!跟住雲信仔又話當晚大部分嘉賓都係唱民歌出身,好似「昨夜的渡輪上」原唱者李炳文、袁鳳瑛、唱作人潘健康、新晉歌手楊天經......而音樂會所有收益都係作慈善用途,寓娛樂於做善事,何樂而不為?聽落都幾有意義,兼且票價只係由$120至$180,都好化算;就應承雲信仔一次咁多,等佢破費請我睇音樂會都好呀!

除了聽演唱會之外,只要你有善心一樣可以幫到有需要的人,而我MissMo最喜歡幫人,當我知道有『愛心小狗義賣』的活動舉辦,呢個活動是幫助香港世界宣明會的國內資助兒童計劃,咁有意義的活動我當然支持,每逢經過帝都酒店及帝京酒店我都會買番隻小狗送俾朋友,大家都記得支持義賣活動由現在到二○○三年一月三十一日,快些去買多幾隻小狗幫助國內的小朋友。





砍貉 | 璇甈 | 鈭箸 | 撣貉憿 | 貊Ⅳ啁 | 蝬脖摨 | 撱亥岷

Copyright 2022 Television Broadcasts Limited
A Member of TVB Group | Corporate Info